每個男人身邊總有幾個損友，而話題間總係離唔開錢同女人，之但係如果話題涉及同女友間嘅性生活，唔知女士們又會點睇呢？呢位女網民就話：「男友有班勁老死嘅朋友，經常聽到佢哋分享同女友或老婆嘅閨房秘密，當時我聽吓就算，估唔到家陣竟然會燒到我身上！早前我哋成班朋友出嚟食飯，其中一個損友嘅老婆問我喺邊度買到Cosplay衫，當時我奇怪點解佢會咁問，佢就話係老公同佢講，我同男友成日玩Cosplay調情，所以佢想同老公試吓。原來男友竟然會同人哋講我哋嘅閨房事，都唔知佢有冇講埋我鍾意玩乜嘢體位添呀！真係好嬲呀！乜啲男人咁衰o架！」
克制黑仔：你又唔好鬧晒所有男人，係你個男友至會咁做啫。我男友班損友雖然係口衰啲，但從來都冇拎自己嘅性生活出嚟分享，起碼喺有女人嘅情況下唔會囉。
WIB：我覺得係你男友同班Friend唔口密啫，佢哋私底下講完咪算，做乜要同身邊人分享呢？要知道女人好難守秘密（口架）啦，所以我係唔會亂咁爆出去嘅。
PennyAU：嘩，乜你男友同班損友咁（口架），點可能拎呢啲嘢出嚟講，要識得尊重身邊人。試諗吓，如果女友或老婆拎佢哋嘅性能力同班姊妹一齊笑嘅話，佢哋又點諗呢？
我得你唔得：人品真係好重要，從呢件事可以睇得出，你男友嘅人品好極有限，所以你嘅擔心絕對成立。如果唔想畀人唱私隱，你都係諗吓點同佢分手啦！