睇波當然睇新女啦，事關爭上位鬥倒奶係必然，但講品味生活，點及得上一眾中熟女吖！好似今日要Follow嘅AV女優川上優，今年37歲，有「SM女王」稱號，強悍形象純粹係拍戲需要，私底下嘅佢不知幾識歎，而舊年喺新宿歌舞伎町開咗間酒吧「Labyrinth」後，過住半退休生活，平日冇工開日子會喺酒吧打躉，以老闆娘身份招呼客人。而Follow優姐嘅好處除咗可以睇到佢嘅生活日常，仲可以順便了解埋中熟女近況，好似北条麻妃、友田真希、川崎紀里惠以及風間由美等，統統都係優姐嘅好姊妹，尤其係風間由美經常去酒吧打躉，又會約埋出嚟High Tea兼放狗，真識歎呀！若然巴打好杯中物，更加要𥄫實，皆因佢經常介紹餐酒，有飲有食有玩，呢啲咪人生囉！