AV女優為咗滿足AV迷而出賣色相，有時更要啞忍男優嘅百般玩弄，無論心理定生理都要面對好大壓力，實在係一份唔容易做嘅工作。可能大家會話：「食得鹹魚就要抵得渴！」但係女優們要面對經理人抽佣，拍過AV之後又有機會畀人歧視，難於回歸正常生活，如果可以有多一種收入保障當然係更好啦！
最近就有一個好消息！AV人權倫理機構外局（AVAN）積極處理女優嘅演出二次使用權，希望AV廠將女優拍落嘅片段剪輯成總輯集推出市場嘅時候，要先畀二次使用費予AVAN，然後由AVAN將錢轉交畀女優，等女優唔使繼續畀AV廠無限重用自己嘅演出而冇收入。早前AVAN已經向超過350位女優支付咗二次使用費喇！希望AVAN繼續努力，為一班辛苦工作嘅女優爭取更多保障。