日本每年都有「成人之日」，定喺每年1月第2個星期一，當日為年滿20歲，或該年度踏入20歲男女主持特別成人禮儀式，並頒發證書，表示佢哋從當日開始成為成年人，以後必須獨立生活、擔起社會責任及義務。咪睇小呢日，原來的確會影響到一個人言行，好似今年初剛滿20歲嘅志田雪奈就變得判若兩人。
3月時佢主動分享數張專為成人之日拍攝嘅靚靚寫真，只見阿妹着住婚紗手執花球，喺花海襯托下低頭甜笑，顯得格外明艷照人。但係最近雪奈喺形象同行為上都大有轉變，衣着打扮冇咁少女，同網友對答又圓滑咗，仲學人飲酒，對生活有要求咗，近期更將一大堆女用情趣玩具親身試玩作比較分享，事業心好重！不過都唔係重點，奇怪係雪奈得閒無事又掟兩張婚紗相上社交網，令人覺得佢恨嫁恨到出面呀！
網址：https://twitter.com/yukina_shida/media