每年日本AV界都有唔少優質女優出道，只係要脫穎而出，同時又獲得AV迷擁戴嘅，唔係單憑樣靚身材正就得。既然係咁，仲差啲乜？咁就要睇吓初川南憑住啲乜嘢條件，令人氣直線上升喇！
曾經有人話過AV女優入行嘅原因只有一樣，就係為咗搵錢。不過對於初川南嚟講，就唔係咁恰當，皆因佢入行嘅理由並非純粹為錢。佢表示細個時已對性有異於常人嘅好奇心，尤其係當佢首次睇到AV作品時，更係對AV女優嘅工作抱有相當嘅興趣。及至就讀大學時期，咁啱識得一個朋友從事AV工作，經對方介紹下去到AV廠MOODYZ面試，憑住迷人嘅樣貌及一對34D巨乳，結果成功被取錄，2014年3月以專屬女優身份出道，並推出處女作《現役女子大生！18歲AV Debut！》。
事實證明MOODYZ嘅眼光真係冇錯，南妹嘅處女作不但獲得好成績，人氣更係直線上升，喺2015年嘅DMM成人獎獲得多個提名，最終奪得「最優秀新人女優」及「租賃部門最優秀作品」兩項殊榮。從當初只係想成為AV女優，到後嚟獲得美滿成績，佢絕對稱得上係夢想達成。
雖然初川南出道相當順利，但現實生活中卻遇到唔少問題。佢表示最初以現役大學生身份投身AV界時，冇諗過會畀同學發現，點知處女作推出冇耐，就有同學知道佢拍AV，而最大問題係喺大學附近嘅書店，竟然將佢張海報貼喺大門口，行過嘅人一眼就睇到。面對同學嘅指指點點，佢坦言真係唔慣，不過佢決定入行前已經預咗會有咁嘅事發生，因此慢慢就習慣咗，2017年順利畢業。而佢喺大學修讀地域經濟系，並專攻高齡化與少子化問題，所以離開AV界後，希望朝住呢個方向發展。
至於另一個問題就一直困擾至今，佢認真地話經過AV演出後，發現正常嘅性愛已經唔能夠滿足到佢。不過大家唔好諗多咗，佢所指嘅正常性愛，就係先玩前奏，然後進行活塞運動直至發射為止，呢種千篇一律嘅性愛。佢話只有不斷變化嘅玩法，先至可以令自己保持對性愛嘅熱情。佢又透露為咗演出時更加投入，喺拍攝前一晚會禁慾，等自己可以表現得更加飢渴。
出生日期：1995年1月19日
身高：156cm
三圍：34D-23-35
碟名：《交流濃密SEX》
簡介：初川南自稱對性愛相當熱衷，不過講就天下無敵，想知實情嘅話就要睇佢呢套作品，片中佢表現得非常積極，子彈橫飛嘅畫面一幕接一幕，睇到人咬牙切齒。
撰文：魂