情侶分手後應唔應該將拍拖時互贈嘅禮物還畀對方？呢個問題成日都有唔少人討論，如果係情趣玩具嘅話，又應唔應該還呢？呢位女網民個幾月前同男友分手，咩原因分手冇講，但就話男友要求佢還番粒震蛋。佢嬲爆話：「搞錯呀！嗰粒震蛋又唔係限定版，亦唔係貴價貨，咁都要我還番畀佢，唔通佢要嚟自己玩？如果攞番嚟同新女友玩仲奇怪，知道係二手貨，仲唔鬧到佢飛天呀！咁嘅男人都有嘅！」
槍火玫瑰：嘩，你個Ex都真係趣怪喎，用過嘅震蛋都要你還，相信理由得兩個，一係想搵理由見你一面，二佢真係個小器男，乜嘢都要計到清清楚楚。
多嘴Nami：分手真係可以睇清一個人嘅真面目，呢個男人真係超小器，連震蛋都要攞番。話時話，除咗震蛋之外，佢仲有冇送過乜嘢Sex Toys畀你呢？
健身室操肌：我用男友嘅角度同你分析，佢應該唔係小器，而係真係好嬲你，嬲到乜嘢都唔想留番畀你，當中嘅原因相信你自己先至明白。
粉紅是美好的：我反而覺得唔係嬲，應該係掛住至啱，佢想透過粒震蛋嚟回味同你一齊嘅日子，但係從呢個角度去諗，佢好似幾變態喎。