坊間有句話：「男人得一炮友死而無憾。」無他嘅，可以啪啪啪又唔使負責任，仲唔係最理想嘅關係？不過呢位男網民卻唔甘於同對方做炮友，因而令佢好煩惱。佢話：「我有個識咗幾年嘅女性朋友，自從兩年前嘅一個平安夜，我哋達成有性冇愛嘅炮友關係共識後，跟住幾乎每個星期都會出嚟爆房，有時甚至會一個星期爆兩次。不過我哋有個默契，就係一定唔會去對方屋企。之但係有日我突然唔知點解叫佢上嚟我屋企，而佢又答應，完事後我哋仲一齊煮飯，嗰刻我覺得自己已經愛上咗佢，我應唔應該向佢表白呢？」
勇者毛巨：講咗就有機會，唔講就肯定冇，之但係喺你決定表白之前，你應該諗諗其實係咪因為寂寞而想同對方喺一齊，否則你就唔好破壞現時狀況。
避風塘：每段關係都有結束嘅一日，唔通你以為你哋嘅關係可以Keep一世？與其係咁，不如趁呢個機會搵個答案，等自己可以畀個答案自己。
花下小蠶：我反而覺得個女仔可能想結束現時處境囉，因為你都話不嬲有種默契，就係唔會上對方屋企，之但係佢又上喎，所以情況得兩個：想斷纜，或者同你諗法一樣。
低質高清：梗係唔好講啦！唔講，仲可以得閒約出嚟啪啪啪；講咗，以後都冇機會o架啦！