日本曾經有調查指當地男士有接近半數係包莖，即係包皮長到包住槍頭嘅意思。如果唔係出現炎症或影響勃起功能嘅話，其實又唔使擔心嘅，不過呢位男網民卻遇上另一個問題，佢話：「我同女友拍拖三個幾月，最近我哋先至有親密行為，不過大家唔好諗錯，只不過係互相搜索身體，點知當佢摸到我嘅重要部位時突然大叫，然後問：『點解嗰度咁怪嘅？』原來佢係指我嘅包莖問題，話外形好核突，嗰種嫌棄嘅表情事小，佢呢幾日都冇搵過我就事大呀！唔通我真係要去做手術，佢先至會睬番我？」
嬲嬲豬：我以前都唔覺得包莖好核突，反而覺得有啲可愛。不過經過前男友嘅體驗後，發覺如果清潔得唔夠乾淨徹底嘅話會有異味，好唔衞生囉！
SusanCC：我係從日本十八禁漫畫中，先至知道乜嘢叫做包莖，現實中就未遇過。
有乜咁奇：如果你真係因為包莖問題而畀女友飛嘅話，我除咗大笑之外，都唔知講乜嘢嚟安慰你好。話時話，你女友嘅反應真係幾衰囉！
大俠飛龍：從衞生嘅角度嚟講，你有冇考慮吓做手術呢？其實唔係咁痛，只係頭幾日唔係咁方便啫。我上年就做咗手術，感覺係舒服啲嘅。