接吻係情侶之間示愛嘅行為，但係大家懂得正確嘅接吻技巧嗎？有啲男士嘅吻技真係嚇親人，而呢位女網友表示佢男友嘅吻技好似猛毒嘅化身，佢話：「我同男友拍拖兩年，一直以嚟嘅接吻方式得兩種，一種係蜻蜓點水式，另一種就係猛毒式，前者唔使多講，後者就真係嚇死我！所謂猛毒式，有睇過套戲都知道佢好鍾意伸條脷出嚟亂咁舔，而男友就係咁，搞到成面都係口水。佢話呢種係法式濕吻，真係畀佢激死！有乜辦法可以改善男友嘅吻技呢？」
Notwelldone：我男友嘅吻技都好差，好似攪拌機咁，伸條脷亂咁舔，搞到成件事好唔浪漫囉。
Half-time：原來猛毒式接吻係咁解，多謝指教！我條仔同你男友差唔多，不過佢似條蜥蜴多啲，即係發嚟發去嘅同時，仲會起勢咁伸出伸入，不知幾咁活潑。
長時間首選：有乜計喎！你話點樣可以學到高超嘅吻技呢？唔通叫男友去拜師學藝咩？如果有日佢嘅吻技提升咗，咪仲覺得可疑。
加油女神：我男友嘅吻技唔錯，不過佢嘅練習方法未必啱大家，佢話自細就鍾意攞條腸仔嚟練習，跟住就練成喎！諗落都唔知真定假！