自從電影《格雷的五十道色戒》推出後，唔少人對愉虐玩法產生興趣，不過喺玩樂過後記得有啲手尾，否則就會好似呢位女網民咁嬲到爆。佢話：「有一晚同居男友飲完酒返嚟，成身酒氣，想上床同我啪啪啪，仲拎對情趣手銬出嚟玩，我咪順佢意囉。佢酒後嘅戰鬥力真係超勁，玩咗超過半粒鐘才完事，事後我攰到即刻瞓着咗。差不多天光時，我諗住去廁所，點知發現對手銬仲未除，望吓身邊，又唔見男友，嗌咗佢幾聲，一啲回應都冇，嗰刻我真係好急，於是唔理嘈到鄰居，大嗌咗幾聲，男友終於喺廁所行出嚟，原來佢沖沖吓涼瞓着咗，你哋話係咪嬲到爆吖！」
畀番20吋腰我：你男友又會咁烏龍嘅？做完後唔除手銬就醉咗喺廁所度，好彩佢畀你嗌醒咗，否則都唔知點解決。不過想問你以後會唔會繼續玩手銬呢？如果玩嘅話，記得拎條匙旁身。
輕過雀仔毛：如果你瀨咗嘅話真係超麻煩呀！有次我因為太興奮，結果搞到張床濕晒，換床單都係事小，換床褥先係事大呀！
40HRS：其實你本嚟就唔應該同個醉酒佬啪啪啪啦，佢醉咗真係唔知會做啲乜嘢出嚟，我個衰佬就試過想硬闖後花園，所以千祈咪同醉酒佬做呀！
終極加藤手：你又真係唔可以怪你男友嘅，因為佢如果唔係醉咗，都唔會沖沖吓涼瞓着咗啦，最多以後你用手銬鎖番佢成晚，等佢知道錯咪算囉！