脫星Jaclyn Taylor早前被同居未婚夫Jessy Jones毆打，最後男方被拘捕。網民反應兩極，有人話女方唔識保護自己，亦有人認為男方賤到冇朋友！事緣Jaclyn Taylor同Jessy Jones攤牌，點知愈吵愈激，繼而男方出手，阿妹無力擋架，全身受傷，最後報警收場。Jaclyn Taylor斬釘截鐵話絕不會原諒對方，再見不是朋友！
32歲嘅Jaclyn Taylor喺四年前認識四仔導演Jessy Jones，之後兩人拍拖，並展開同居生活，但上年底感情轉淡，今年二月分手，而男方已搭上另一位脫星，衰在男方唔肯搬走，阿妹忍無可忍，諗住執拾細軟搬離愛巢同時跟男方攤牌，點知觸怒男方，仲郁手郁腳添！喂，男人不該讓女人流淚，仲郁手打女人，正一渣男！