日本嘅動漫女角色個個都係樣靚身材正，好似峰不二子就係其中之一，若然有女優能夠稱得上係真人版峰不二子，未睇都知有幾咁正！不過講到正，又點及得上睇得又打得嘅清水藍理咁厲害呢！
日本網絡最近封咗一位美貌與身材兼備嘅Cosplayer做真人版峰不二子，如果你唔知嚟自日本人氣動畫《魯邦三世》峰不二子係邊個嚟，唔緊要，只要知道佢擁有40-22-35嘅三圍數字就得，而能夠被日本網民喻為峰不二子嘅真人版，佢嘅身材一定係超火辣，咁佢究竟係邊個呢？就係喺1995年5月18日於日本出生嘅Cosplayer九条葱（九条ねぎ），身高170cm，三圍係34-24-38，雖然數字上同峰不二子差咁啲，但係佢嘅身材魔鬼指數仍然超勁，配合埋甜美嘅笑容，簡直係殺死人！不過呢啲都唔係重點，皆因佢經常喺網上分享性感自拍照，而喺寫真集中更有唔少露出度極高嘅相片，讓大家可以欣賞到佢嗰副最接近峰不二子嘅身材！
「童貞必殺服」聽得多，但「童貞必殺空手道」又係乜嘢一回事呢？早前日本電視節目《痛快！明石家電視台》請咗8對父母同子女上嚟分享生活，其中一對就係35H巨乳寫真女優清水藍理同佢父親。喺訪問途中，主持人叫清水藍理即席表現拿手嘅「童貞必殺空手道」，即係喺裏面穿着性感內衣，外面則穿上空手道袍，先喺男嘉賓面前擺出空手道架式，跟住就做出色誘動作，搞到佢父親睇完後無奈咁話：「我唔係為咗咁至畀你學12年空手道啊！」原來清水藍理自3歲開始學習琉球空手道，仲曾經喺近畿大賽贏過獎項，難怪藍理嘅父親會冇眼睇！
一般嚟講，夫婦同床瞓嘅話，性生活嘅滿意度相對分開床瞓應該會好啲，不過據英國一個調查發現，原來分開床瞓性生活會比同床瞓更加滿意。調查指有百分之三十四受訪者認同呢個講法，另有百分之十六嘅受訪者表示，分開瞓仲會令佢哋嘅睡眠質素改善，同時有近四成人表示分開瞓可改善兩性關係。根據英國寢具公司Bensons for Beds嘅調查指，英國有五分之二嘅夫妻會偶爾分開瞓，當中超過半數人嘅理由，係因為頂唔順對方嘅鼻鼾聲，其次分別係作息時間唔同、肢體過度纏繞同瞓覺時間長短唔同，而呢啲原因會影響夫妻相處，自然會影響性生活嘅滿意度。
撰文：魂