𤓓呢樣嘢真係層出不窮，之但係𤓓到好似呢位男網民咁，就真係唔知點收科。話說嗰晚佢上咗女友屋企食飯，之後同女友阿媽三個人一齊坐喺梳化睇電視，期間有朋友Send咗條AV短片過嚟，佢話：「我都醒目o架喇，即刻用Earphone，仲校啱手機角度等女友阿媽睇唔到，然後同女友一人一邊耳機開心Share，我仲笑問女友下次咁玩好唔好。睇睇吓發覺有啲唔對路，原來耳機漏音，女友阿媽聽到晒呀，佢望住我講：『我等陣落街散步，你返屋企未？』即係趕我走啫！嗰晚之後女友一直冇覆我WhatsApp，又冇聽我電話，點算好呀！」
網友回應：
綠色紅蟹：你呢勻真係斷到正呀！睇AV唔係問題，只係畀女友阿媽聽到你問佢個女，下次咁樣玩好唔好至係最大鑊，睇怕你要過咗呢個風頭，女友先會睬番你。
派錢冇你份：你都勁喇，竟然夠膽喺人哋阿媽面前睇AV，仲要個Earphone漏音，呢次真係搵邊個都幫你唔到喇！
大頭公：如果畀着係我個女條仔，夠膽喺我面前睇埋啲咁嘅嘢，何止會逐你出門咁簡單，實行嚟個橫心獨劈呀！
瞓飽再食飯：所以話老友嘅WhatsApp唔好亂開，一定會出事。