作為男人，除非女友或老婆真係喺好急切嘅情況下，否則都唔會主動去買女性衞生用品。不過呢位女網民就話佢男友好奇怪，情願幫佢買女性衞生用品都唔肯買套套，佢表示：「平時男友自己行超市或便利店，都會主動幫我買幾包M巾，之但係安全套就點都唔肯買，每次都叫我去買。有次情到濃時發現冇晒套套，喺咁嘅情況梗係叫佢去買啦！點知佢情願話用保鮮紙頂住先，都唔願去買，結果我落樓下便利店買，阿姐問我：『點解唔嗌你男朋友買呀？』我真係唔知點答佢呀！」
嘔出條彩虹：反而我十分好奇你男友從幾時開始會幫你買M巾呢？佢係咪對女性衞生用品有種情意結？呢點真係好值得商榷。
今晚仲食雞：有乜咁奇怪啫？奇得過男人去買M巾？如果畀我喺超市見到有個男人拎住幾包M巾排隊嘅話，我會覺得呢個人相當有可疑。
精神遊俠：唓！你真係大驚小怪，女人去買安全套之嘛，好正常啫，我覺得係你過唔到自己心理嗰關咋喎。
浪女回頭：你男友真係偉大呀！我條佬唔好話係M巾，連洗面奶都唔肯幫我買呀！有次我叫佢幫我去買，佢竟然叫我用叠紙巾頂住先，真係好衰囉！