桌上遊戲玩得肉緊時，有人拍枱大叫，有人則會攬實身邊朋友歡呼，若然遇到呢種情況，作為女友嘅話又會有乜嘢反應呢？呢位女網民早前喺網上求答，話說佢同男友跟幾個閨密一齊玩桌上遊戲，一輪激戰後其中一個閨密贏咗，點知佢竟然開心到一手摸落男友嗰度，當堂睇到佢眼凸！佢話：「我嗰刻唔好意思出聲，心諗：『衰婆！好快啲縮手喎！』點知佢足足摸咗幾秒後才縮手，而男友又好似若無其事咁，激死我啦！事後我問男友點解唔推開佢，佢話冇為意喎。有一日我睇過佢手機，發現佢哋之間竟然有私訊，仲Send埋自拍相，你哋話佢哋係咪有景轟？」
深度理財：我覺得你諗多咗囉，我同啲女仔Friend玩得High時，一樣會攬嚟攬去，我女友同啲男仔Friend都係咁。至於私訊同自拍照，咁又有幾奇呢？
有期去旅行：即係咁，激動嘅時候行為真係可以好出乎意料，可能佢哋嗰刻都冇留意到呢？不過私訊呢樣嘢，如果佢哋之間本嚟係唔識嘅話，無啦啦有對方電話兼仲要咁多嘢傾，咁就真係有可疑喇！
qeenMay：佢哋肯定有嘢！我以前條仔都係咁，男人本性就係食得唔好嘥，條女仲要咁主動，你男友點會拒絕先得！
一嘢睇清：作為男人嘅我，絕對認為佢哋有景轟，你話摸其他地方都算，支炮喎，好敏感嘛，大啲力仲會痛，點可能話Feel唔到，佢一定係講大話！
撰文：魂