打工仔辛苦完成一日工作，都想快啲返屋企浸個浴消除疲勞，可惜屋企得豆膶咁細，邊擺到個浴缸吖！而日本人就幸福好多喇，因為佢哋就算屋企冇浴缸，亦有好多錢湯可以選擇，最近被稱為「爆乳小動物」嘅日本寫真美少女片岡沙耶就為電視節目《おふろやさん日和》演出，當中阿妹扮演一位正在求職嘅畢業生，由於見工搞到錯過咗與朋友嘅聚會，結果去到附近一間名為「榮湯」嘅錢湯輕鬆一下。喺節目中，除咗可以見到身材婀娜嘅片岡沙耶表演出浴，仲會介紹呢間位於南長崎嘅錢湯，裝修設計富有宗教色彩，另外亦介紹附近嘅好去處，包括紀念蘇格拉底、康德、孔子、釋迦牟尼嘅「哲學堂」。而片岡沙耶將拍攝出浴嘅花絮放晒上社交網，大家快啲Click入去睇睇喇！