幸運降臨艷福過人

情色俚語：Get Lucky 夢想成真

每個男士都希望能夠遇到一位樣靚身材正嘅索女，而且仲可以同對方發生超友誼關係，如果能夠夢相成真嘅話就非常幸運喇，而喺英文情色俚語中就稱為「Get Lucky」。大家要留意，呢句俚語唔單止男士啱用，女士亦一樣適合，只係意思會有少少唔同，就係指女士好好彩，能夠同心儀男神上床。

玩樂辭典：Lucky Pierre 夾心階層

夾心階層嘅生活壓力有幾大，相信只有當事人最清楚，同樣地，喺性愛中嘅夾心階層「Lucky Pierre」，佢哋嘅感覺亦只有當事人自己先至明白。所謂「Lucky Pierre」嘅意思，就係指玩人肉層層疊時，夾喺中間嗰一位，由於佢被前後夾攻關係，理論上係性愛體驗最豐富嘅。不過呢種玩法唔係人人都接受，反而「Lucky Fxxx」會令人開心同易接受得多，皆因佢係指男士不但成功搭上社交圈中嘅人氣女郎，仲可以同對方上床，不過重點係呢位人氣女郎係咪樣靚身材正就見仁見智喇！

美國四仔系列：《Get Luckier !》 惹火女特務

唔少美國四仔作品以特務為題材，講到當中嘅經典作品，莫過於由四仔片廠Hustler喺2005年12月推出嘅《Get Luckier !》。導演Cash Markman執導，搵嚟人氣脫星Katie Morgan、Shy Love、Cindy Crawford等演出，故事講述由男優Dick Smothers Jr.飾演嘅特務Lucky，為咗解救所屬組織C.O.M.M.A.N.D.嘅困境，於是搵嚟神秘女特務「36-26-26」幫手。作品喺2007年AVN頒獎禮上獲「最佳演出」、「最佳男優」及「最佳女配角」嘅提名，而獲提名嘅女配角Katie Morgan最終未能獲獎，但係佢嘅演出就備受讚賞。雖然失落獎項，但係佢一啲都唔使失望，皆因喺2009年AVN頒獎禮上榮獲「最佳年度聯乘脫星」獎，喺2013年更入選AVN名人堂，足見實力強勁。

日本AV系列：《Golden Lucky!! 02》 巨乳雲集

有人鍾意AV單體演出作品，有人則鍾情雜錦AV片，可以一次過睇晒幾位女優嘅演出。如果你屬於後者嘅話，呢套由日本AV片廠Dream Ticket喺2004年10月推出嘅《Golden Lucky!! 02》絕對滿足到你，當中收錄咗星野流宇、堤沙也加及湯川惠里三位女優演出嘅人氣作品，最吸引係佢哋個個都係巨乳尤物，星野流宇擁有34E上圍，堤沙也加上圍有32D，而湯川惠里更有35G之巨。

此外，三位女優亦有個共通點，就係佢哋先後喺2003年至2008年期間引退，家陣要重溫佢哋嘅演出並唔容易，當中尤以星野流宇同湯川惠里至今仍被唔少AV迷緬懷，事關佢哋當年出道時，青春氣息過人，加上極淫嘅床上演出，難怪今時今日仍有相當人氣。

撰文：魂