唔少女人身邊都有個閨密，好似呢位女網民就同閨密非常親密，即使對方跟男朋友同居，佢都經常去對方屋企過夜，之但係佢就發現閨密嘅男朋友有好多古怪行為，佢話：「因為閨密嘅屋企有客房，所以我好多時都會喺佢度留宿，點知我發現佢男友嘅行為相當古怪，好多時佢只着住條三角底褲通屋走，而佢去廁所又唔鎖門，搞到我有次推門入去時鬼咁尷尬，最離譜就係佢哋間房經常傳嚟呻吟聲，大佬呀，有個女客人喺度o架，可唔可以收斂啲呀？」
是旦通粉：佢真係好變態呀，明知有女仔喺度都唔鎖廁所門，仲要着住條三角底褲周圍走，佢真係唔識尊重其他人，快啲同你姊妹講，等佢咪同呢條變態佬一齊。
超級宇宙痕：人哋本來想過二人世界，你就成日走上去過夜，仲要偷聽人哋喺度啪啪啪，最變態嗰個反而係你喎！
長沙灣Petty：邊能夠着住條底褲周圍走o架，佢連一條短褲都冇咩？真係好有問題囉！一於送條短褲畀佢，等佢知道乜嘢叫做禮貌。
總有條村喺左近：我好懷疑佢係特登咁做，費事你成日上嚟之餘，又唔使直接同女友講，叫你咪上嚟阻住晒，其實你有冇諗過你喺度打攪緊人哋呢？
撰文：魂