對於AV迷嚟講，今年春季絕對係一個流淚嘅季節，因為AV天后吉澤明步以及彩美旬果都宣布退出AV界；而寫真迷同樣唔好過，事關有一位高挑巨乳美人亦宣告喺春季之後封胸，佢就係葉加瀬舞衣喇！
男人總係貪心嘅，想搵個女友靚女，仲要身材高挑，有埋純天然巨乳就當然最好啦！但係世界上又有冇咁完美嘅女人呢？喺我哋身邊就好難搵到喇，喺日本寫真界就有一個，佢就係今日同大家見面嘅葉加瀬舞衣。
雖然舞衣今年已經31歲，但係從其面上完全唔會發現到半點色衰之象，反而散發出攝人風韻以及優雅氣質，足以迷盡世間男人！此外，舞衣令人驚艷之處仲包括一副驕人身材，身高5呎7吋，高挑得嚟婀娜豐滿，又同時具健美感，胸前嘅G奶以及飽滿圓潤嘅美尻更令身材呈現出完美曲線，實在係正得交關！
舞衣除咗睇得，仲係一位名副其實嘅才女！畢業於日本女子大學文學系嘅佢精通韓語，曾到韓國發展，此外仲擁有唔少專業資格，包括食品分析師以及溫泉侍酒師等，所以阿妹絕對唔係一個只懂賣弄性感嘅寫真妹咁簡單。提到舞衣去韓國發展，已經係2015年嘅事喇，當時仲有傳聞佢會從此離開日本，甚至唔會再拍水着寫真添！
早前舞衣喺訪問中就重提此事，話當時嘅引退消息唔係真，但係將於今年春季之後封胸退出寫真界就係事實喇！舞衣去意已決都冇計，鬼叫佢喺大前年回流日本後於影視兩方面都發展如意咩，繼上年首次擔任女主角主演電影《Lady Ninja~青い影~》之後，今年又有新戲《Tokyo 24》喺日本上映喇，咁多戲拍仲邊有時間拍寫真吖！
簡介：葉加瀬舞衣近期工作忙碌，又拍電影又拍日劇，仲密密做電視節目嘉賓，如果大家想了解舞衣最近去邊度開工，就要留意佢嘅社交網喇！
網址：https://twitter.com/hakamai?lang=ja
年齡：31歲
身高：5呎7吋
三圍：37G-24-36
撰文：賢