萌到一個點會變成點？咪亂點囉，即係網友亂咁點擊呀！舊年挾住「清純19歲！正統天然美少女偶像」美譽出道嘅AV女優二宮光，眨眼快將一年，萌爆固之然係賣點，不過卻欠缺「色色感」，搞到阿妹嘅社交網都冇乜起色，雖然日日都有Po靚相，但係粉絲反應冷淡。點算？咁咪舊嗰個停止更新，轉去新嗰個「加鹽加醋」囉！家陣光妹嘅Twitter內容豐富咗好多，除咗繼續賣萌呃Like外，最近仲加多條事業線，真係引死人！此外佢連戲路都改變，喺新片中飾演變成無性不歡嘅淫娃。早前喺秋葉原就搞咗場水着握手寫真攝影會做勢，錯過咗唔使愁，因為下個月中，光妹會出席新宿一間飲食店放題活動，名額40位，每位收費25,000日圓，零距離同光妹接觸5粒鐘，仲有遊戲玩，好吸引！