男人見到身材有前有後嘅索女，真係點睇都咁開心，好似美國有位人氣女網紅，憑住一對F Cup巨乳迷倒唔少男士。另外，喺日本有位寫真女優最近推出寫真集，竟然諗到妙計做宣傳，睇到人流晒口水呀！
想成為人氣女網紅最易嘅方法，除咗要有靚樣外，仲要有激凸火辣身材，好似呢位美國女網紅Sophie Mudd咁，人氣非常高，更成為唔少男士嘅女神。現時20歲嘅Sophie，17歲開始經營Instagram，最初登場時經常上載斯文美少女自拍相，清新風格有一定吸引力；但去年開始，佢上載嘅相片愈嚟愈性感，尤其係嗰對38F巨乳更係睇到人嘆為觀止！除咗胸前斤両十足，嗰條23吋水蛇腰同樣迷人。
人氣急升嘅Sophie由去年初嘅40萬Followers，急升至年底嘅70萬，及至今日更係已超過110萬！除咗露乳溝便服造型外，佢更喜歡以比堅尼造型示人，因此獲「比堅尼女神」嘅稱號。
日本嘅寫真界向來索女輩出，而想令寫真大賣嘅話，出位嘅宣傳手段一定唔少得，好似寫真女優川崎綾咁，為咗宣傳佢嘅最新寫真集《1‧31 Gravure事變》，實行送贈「股拓」嚟誘惑大家。所謂「股拓」就係將墨水塗滿臀部，然後坐喺紙上印成臀部墨拓。雖然川崎綾喺印「股拓」時係着咗三角泳褲，但係單睇佢嘅股形已經夠晒養眼。
1991年1月3日於神奈川出生嘅川崎綾，喺2014年3月投身寫真界後，近年露出度愈嚟愈高，唔單止一對美乳夠晒吸引，誘人美腿加索樣更係令人流晒口水。今次佢嘅寫真集更玩拘束誘惑，睇嚟佢想將自己嘅邪惡度再次提升，而喺4月佢又搞寫真攝影會，大家不妨留意吓。
上個月情人節嗰晚大家喺度做乜呢？唔想提或唔記得都唔緊要，皆因英國有網站進行咗個數據分析，睇吓喺當日邊個地方嘅男女購買得最多情趣玩具。由英國購物網站Quidco提供嘅數據分析，當日英國有900萬次關於情趣玩具購買嘅資料，當中買得最多嘅地方係位於蘇格蘭奧克尼群島嘅柯克沃爾（Kirkwall），佔整體情趣玩具嘅百分之二點二四，其次則係位於蘇格蘭嘅鄧弗里斯（Dumfries），佔整體百分之二點零一，第三位則係位於英格蘭嘅赫默爾亨普斯特德（Hemel Hempstead），佔整體百分之一點八七，而上述三個地方都係小城鎮，但點解佢哋會喺情人節當日買得最多情趣玩具，卻有待進一步分析。
撰文：魂