所謂一元復始，萬象更新，嚟到新一年唔知大家會有咩新計劃呢？日本寫真界有唔少美人兒已展開新攻勢，好似川崎彩呢位長身小妖精咁，就嚟個突破演出以SM女王形象示人喇！
家陣好多女仔都深曉保養之道，以前所謂嘅「女人三十爛茶渣」已經過時，依家係「女人三十歲貌美如花」至啱，而日本寫真界更有好多索爆嘅輕熟女，質素出類拔萃，好似今年28歲嘅川崎彩咁，面孔嘅稚嫩程度以及肉體嘅鮮嫩程度都唔會輸畀班十八廿二嘅妹妹仔。
川崎彩眉清目秀，青春嬌俏得嚟帶幾分姣味，一睇佢個樣就知擅長電暈麻甩佬喇，不過彩妹妖艷氣息唔算太濃烈，唔會予人妖邪嘅觀感。講到身材方面，就真係索到啪啪聲，高挑又婀娜，同時肌膚鮮嫩又彈手，一雙美腿又修長又白滑，學師兄話齋，淨係玩對腳都可以玩成晚啦！
川崎彩喺2014年擔任賽車女郎，由於外形出眾，好快就被寫真界睇中拉去拍寫真。而睇中彩妹嗰位仁兄真係有眼光喇，因為佢嘅寫真作品銷情相當理想，成為亞馬遜嘅寫真映像作品排行榜冠軍。另外，彩妹參加好多選美比賽亦一樣大殺四方，例如喺「Miss FLASH 2016」中奪得冠軍寶座。
上年年尾，彩妹繼續發圍，除咗被選為當代6位最強寫真妹團體「YJ DREAM GiRLS」其中一員，仲喺競馬網站為馬迷提供貼士，似乎想開拓一番新事業。嚟到今年，川崎彩依然有突破，最近第三次成為雜誌《Young Jump》嘅封面女郎，今次佢大玩SM女王感覺，換上黑色皮革裝仲拖住隻大黑狗出場，感覺冶艷、高傲又吸睛，睇嚟今年彩妹會將演出尺度逐步擴大喇！
簡介：川崎彩近期密密拍攝性感火辣嘅水着寫真，拍完後仲會將花絮及靚相上載到社交網同大家分享，想大飽眼福就要Click上去睇喇！
網址：https://twitter.com/kawasaki__aya
年齡：28歲
身高：5呎6吋
三圍：32C-22-33
撰文：賢