對男人嚟講，其中一樣最珍貴嘅嘢莫過於多年嚟嘅AV珍藏，而面對女友同珍藏之間嘅抉擇時，又應該點揀呢？呢位男網民有儲AV嘅習慣，當中有唔少喺日本購買，多年嚟儲埋珍藏超過300套，點知當佢識咗女朋友之後，就令佢好煩惱，佢話：「我一直唔敢同女友講有儲AV嘅習慣，點知有日佢喺我屋企發現啲珍藏，本嚟我諗住同佢分享愛好，點知佢劈頭一句就話：『我接受唔到咁變態嘅男人，全部丟晒佢！』女友同珍藏二揀一，揀邊樣好呢？好混亂呀！」
網友回應：
晨早要還：做男人最重要係乜？就係講個義字！啲珍藏陪咗你漫長嘅歲月，而你又花咗咁多心血搜集番嚟，點可能因為一個女人而放棄晒佢哋！
Amy Kong：真係唔明點解有啲男人會有咁嘅癖好，啲AV有乜好睇，離唔開啪啪啪，講到尾鍾意睇AV嘅男人都係鹹濕，畀我都唔想同呢種人一齊。
我都係咁話：女人只係識得啲韓星，佢哋儲埋晒啲明星嘢就冇問題，我哋儲AV就唔得，你話咁樣公平咩？最重要係佢哋唔明白，AV係男人嘅心靈食糧嚟o架！
最高等值：AV唔可以啪啪啪，但女友得；AV唔會為你計劃未來，但女友會；AV唔會理你打通宵機，但女友會。不過AV唔會發你脾氣，但女友卻成日嚟料。
撰文：魂