本地電視台每年都會舉行選美比賽及頒獎禮，為咗增加觀眾嘅投入感及參與度，主辦方好多時都會搞個有獎競猜活動，送出豐富獎品，小弟就勢估唔到即將於5月上演嘅日本AV界盛事「AV OPEN 2019」，除咗會送出獎金畀得獎嘅AV作品之外，亦搞咗個送禮網頁遊戲活動，名為「CHIKUBI当て」，玩法係考大家眼明手快，畫面會出現浮動嘅指針，指針去到某個位置大家就要撳掣，連過四關先可以有機會成為得獎嘅幸運兒。咁有咩獎品呢？頭獎係一塊純金製簽名板，上面有「AV OPEN 2019」代言女優園田美櫻、櫻空桃以及戶田真琴嘅親筆簽名，二獎係VR眼鏡一副，三獎就係可以用嚟上網購買AV嘅FANZA網站點數。老實講，個遊戲難度都幾高，之不過獎品相當吸引，更重要嘅係玩遊戲嘅時候可以聽到2位女優嘅銷魂叫聲，有興趣就Click上網玩吓啦！