有乜辦法光脫脫?

對於毛髮嘅作用,有人話係為咗啪啪啪時減低摩擦力,又有人話為咗可以出汗增加散熱,雖然唔知邊個講法至真,只知道呢位男網民為毛髮而煩惱,佢話:「我啲毛髮又長又濃密,每次去小便時都好唔方便。不過咁都未算煩,最煩係拉褲鏈時會夾住啲毛髮,痛到我喊咁滯。我試過剃光晒佢,但係當毛髮生番出嚟嘅感覺唔係咁好之餘,啪啪啪時女友會話好拮,同埋覺得外觀好肉酸。請問有乜辦法可以令啲毛髮唔再生番出嚟呢?」

網友回應:

乳搖葉落:方法好簡單啫,去做永久脫毛咪得囉。做完之後光脫脫咁,以後唔會再生番出嚟,又可以避免你咁嘅情況,絕對係好方法。

人約黃昏後:如果覺得去脫毛好老尷嘅話,可以試吓自己用蜜臘嚟脫毛吖,效果都唔錯o架。不過唔好嘅地方係要久唔久要做一次,但都係一個好方法嚟。

聰明三世:咪用蜜臘嚟脫毛呀,嗰種痛法真係唔係人人都接受到。我女友試過用蜜臘幫我脫腳毛,嗰種痛勁難頂,更何況係敏感部位,肯定會頂唔順。

StyleSS:其實我啲毛髮本嚟都好多o架,多到唔敢着泳衣,後嚟我做咗脫毛後自信心返晒嚟,不過起初嘅感覺會怪啲囉!

撰文:魂