師傅教落做人要識得變通，同時亦要識得堅持，好似追女仔咁，約一次唔肯出街，就再約多幾次，約到對方肯答應為止！講到堅持，被稱為日本寫真界之傳奇嘅川村由紀就係呢方面嘅專家，因為佢出道15年來都一直堅持性感，更將性感光芒逐步加強添！
家陣好多人都以為性感就等於淫穢，其實性感可以嚟得健康，好似日本寫真女優久松郁實、鈴木富美奈、小倉優香、大原優乃等，喺寫真演出中盡騷豐滿火辣身材，但係佢哋散發出陽光氣息，令寫真照性感而不淫穢。又好似前輩川村由紀咁，演出時充滿妖艷感覺，但卻唔會令大家心生邪念。
32歲嘅川村由紀可以話係小弟一直以來都相當留意又鍾意嘅寫真妹，原因係佢擁有一副韻味攝人而又不失甜美溫柔嘅姊系面孔，二來身材曲線誘人，近期因為經常去健身室積極做運動，令身上各個部分都應大則大，應細則細，而肌肉變得結實之餘，上圍對F奶保持飽滿同堅挺。
川村由紀於2003年出道拍水着寫真，當時被人形容為磯山沙也加嘅孖生姊妹，兩人嘅樣貌同身材都有8成相似，不過相對於一派童顏嘅磯山沙也加，由紀氣質則比較成熟，而且佢走妖艷演出路線，最後擺脫沙也加嘅影子。然而，由紀同沙也加卻同樣因為轉投另一間藝能事務所出現合約問題，曾經有一段日子停工，阻礙事業發展。
當然有麝自然香，由紀咁有料到，絕對唔怕停工復出之後爭取唔到人氣，好似早前佢再次為雜誌《Weekly Playboy》拍攝寫真，以慶祝2019年來臨實行打響頭炮，將妖艷魅力盡情發放，並堅持愈拍愈性感嘅宗旨，將露出度進一步增加，成功引起大眾注意同讚揚。
簡介：最近川村由紀為一部名為《根》嘅地區宣傳短篇電影進行拍攝，喺社交網中大家就可以留意到相關消息喇，當然唔少得欣賞由紀拍嘅性感寫真啦！
網址：https://twitter.com/yukiekawamura?lang=ja
年齡：32歲
身高：5呎3吋
三圍：34F-24-34
撰文：賢