日本樂壇最受歡迎嘅大型女子團體除咗有AKB48、SKB48之外，仲有乃木坂46，當中嘅人氣成員有好多，包括白石麻衣，以及最近推出寫真集嘅生田繪莉花。21歲嘅生田繪莉花樣子清麗脫俗，氣質迷人，3年前佢回到出生地德國拍攝首本個人寫真集，當中阿妹展露一副嫩白且婀娜多姿嘅誘人身段，上圍更有一對D Cup美巨乳，如此吸睛嘅寫真，難怪銷量十分理想，發行首周以大約38,335本嘅成績勇奪Oricon公信榜書籍綜合銷售榜以及寫真集銷售榜雙料冠軍，之後仲奪得公信榜書籍銷售排名「寫真集部門」冠軍添！
今次呢本寫真集《インターミッション》就去到美國紐約取景拍攝，其中一個原因係熱愛舞台演出嘅繪莉花想趁機會一遊百老匯歌劇院，感受一下當地嘅藝術氣息，當然佢亦會有好多性感演出，包括喺酒店房搔首弄姿，更會有出浴場面，將個人魅力完全釋放。
書名：《インターミッション》
售價：約HK$140
撰文：賢