所謂人一走，茶就涼，好多人在位嘅時候得到萬人擁戴，但係一退位就無人理會，日本AV女優亦係一樣，不過湊莉久就唔同喇，就算引退咗之後依然有好多人撐！湊莉久拍AV 5年，每部作品都表現生猛又夠拚搏，贏過DMM成人大獎「最優秀女優」，喺上年宣告引退，之後轉戰藝能界。早前佢為咗完成自己嘅寫真集及寫真展，透過眾籌網站希望可以籌得450萬日圓，約32萬港元，本身諗住冇拍AV人氣下降，未必可以成功籌得款項，估唔到湊莉久嘅吸引力依然強勁，最後籌得高達1,000萬日圓，終於可以一圓心願。寫真集已經推出，而寫真展由即起至1月20日於東京涉谷Le Deco展覽場館舉行，粉絲們一定要去親身撐場喇！