還番條底褲畀我!

每逢有派對就梗係唔少得飲酒,結果因為飲醉酒而出事,好似呢位男網友早前公司搞Party,佢飲大幾杯後走去女同事面前表白,點知畫面嚟到呢度就斷片。佢話:「醒番後發覺自己瞓喺張床度,唔知幾時去咗酒店,諗住沖完涼着衫走人,點知發現唔見咗條底褲!我見手機有未讀WhatsApp,係一個唔相熟嘅女同事留言,話第日將條底褲還番畀我。我明明係同女神表白,點解無啦啦變成咁?返到公司我哋三個人都冇再講過嘢,而嗰位女同事亦冇畀番條底褲我,我應該點算好呢?」

網友回應:

春節好回家:諗咁多做乜,兩個人都冇嘢講,咪即係當冇事發生囉,大家係成年嚟o架嘛。不過你就唔使再對女神有任何幻想喇,畀佢知道你食咗公司另一條女,你估仲有運行咩?

1月飛常:女神絕對冇你份喇,而睇你嘅反應,你應該對另一位女同事冇乜興趣。既然係咁,你咪當發咗場夢囉,最怕係三個月後個女同事同你講姨媽冇嚟。

Suzui Luk:其實你真係唔使煩惱,女人亦有性需要及錯亂嘅時候,反而你應擔心有冇做足安全措施,健康才是最重要。

公眾高層:你可以試吓問佢攞番條底褲,睇吓佢畀唔畀番你。我覺得你好大機會係畀班同事玩,皆因飲醉酒仲邊可能有性反應呀?咪諗咁多,睇定啲啦!

撰文:魂