有位冇透露幾歲，卻透露啱啱同男友同居未夠兩個禮拜嘅女網民，自稱兩人都有裸睡嘅習慣，經過晚晚翻雲覆雨嘅日子後，佢就開始唔係咁Like，佢話：「男友性慾好旺盛，晚晚都會硬晒軚，佢話係自然反應，自己都唔想咁話。最麻煩係佢好鍾意從背後攬住我瞓，結果成晚頂住我，真係好唔舒服，而我又唔爭氣，成晚籮籮孿，佢就以為我有需要，結果搞到晚晚冇覺好瞓，有乜嘢辦法唔會令佢誤會，以為我想要呢？」
無盡夜乳：唔係嘛，咁都要擺上網問？分床瞓、分房瞓等乜都得啦！再唔係學梁祝咁擺碗水喺床中間囉！你唔係着番條底褲都唔識呀？
昨天錯與對：你慢慢就慣喇，起初係有啲唔舒服，之後就會覺得好有安全感。不過你要小心一樣嘢，千祈唔好發噩夢，驚你整親佢咋！
放工有條河：我覺得你可以試吓換張碌架床，呢個好處係你哋確實係住埋一齊，卻又唔會搞到對方，仲相當慳位添，最重要係邊個想啪啪啪，爬到對方張床就得，幾好呀！
DorLinor：我覺得最可行嘅方法，就係掉轉你攬住男友嚟瞓，咁咪唔會頂到你囉！
撰文：魂