日本唔少雜誌都會搞選美活動，選出美貌與好身材兼備嘅美人兒，成功奪得冠軍嘅索女固然實至名歸，好似今日同大家見面嘅呢位弗爆美人池田百合就係其中之一喇！
相對於可愛嬌嗲嘅萌妹，小弟偏向鍾意帶成熟風韻嘅姊系美人，喺日本寫真界中屬於呢種風格嘅女優有唔少，好似山崎真實、戶田玲就係姊系女優嘅最佳人辦喇！如果你問我佢哋有冇接班人嘅話，就一定會推介池田百合。
26歲嘅池田百合風韻絕佳，熟得嚟帶甜美同親切感，同時雙眼電力十足，認真嗒得杯落，令人印象深刻。此外，最吸引嘅係百合高挑婀娜嘅極品胴體，身高5呎6吋，薄身腿長，企定定唔需要挺胸收腹都已經盡現曲線美，若然擺個S形姿勢，線條美更火辣撩人，唔怪得百合喺選美會獲獎無數啦！
喺2012年百合開始參加選美活動，分別有「Miss國士館大學 2012」以及「校園王后大賽 2012」，結果一個獎都攞唔到。不過百合唔係一個輕易就放棄嘅女仔，之後繼續積極參加選美，而上年就係佢大豐收嘅一年，唔單止喺「MissFLASH」奪得冠軍寶座，仲喺健美小姐比賽「Nica Japan」憑住一副高挑又帶肌肉感嘅Body奪得「Nica Girl」獎，又喺「Best Body Japan 那霸大會」奪得冠軍，成績非常亮眼。不過，百合話能夠攞到咁多獎，背後係經過好多艱難，因為要保持身材健美，一定要持之以恒做運動，更加要嚴格控制飲食，甚至要進行長期禁慾！阿妹為咗我哋嘅眼福，真係難為你喇！
簡介：池田百合近年開始涉足電視圈，喺好多綜藝電視節目中都可以見到佢嘅身影，想知道百合最近喺邊一個節目亮相，可以Click上佢嘅社交網睇睇。
網址：https://twitter.com/yuripon_07
年齡：26歲
身高：5呎6吋
三圍：35-23-35
撰文：賢