有專家話從男女嘅睡姿可以反映彼此嘅恩愛程度，而最恩愛嘅睡姿係從後抱住對方瞓覺。不過呢位男網民就唔認同，仲話咁樣好影響佢嘅睡眠質素喎！話說佢女友最近從外國返嚟香港，暫住喺佢屋企，而女方有個唔好嘅習慣，就係好多手，佢話：「女友好鍾意從後攬實我嚟瞓覺，本來係好Sweet嘅，但係佢硬係手多多，成日搞我嗰度，結果要半夜起身啪啪啪，就係咁影響晒睡眠質素。我同女友講不如瞓醒先做，佢就話好講Mood，限時限候做即係交功課，究竟點先可以叫佢咪咁多手呀？」
幸福摩天輪：你都幾易畀人撩喎，我個前女友都係有咁嘅習慣，但我就堅呀，搞極都冇反應，唔似得你畀人捽幾吓就要啪啪啪。做多啲啦，做得多你就麻木冇反應喇！
軟腳男：睇嚟佢嘅手技都唔錯喎，如果唔係點可能令你咁快有反應呢？不如問吓佢喺邊度練出咁好嘅手技，唔係你想知呀，係我好想知道，知道嘅話就話畀我知啦。
Abbaee：我唔覺得你女友有問題，問題係唔明點解你每次都咁易有反應，仲要次次都要啪啪啪，唔通呢個係你哋之間嘅求歡信號？不如同你女友講吓，換過另一個睡姿啦！
港女大晒：有幾咁麻煩呀？分床瞓咪解決問題囉。再者，我覺得係因為家陣仲係甜蜜期，等你哋兩個嘅熱戀階段過咗後，慾火少咗，其實呢啲都唔係問題，反而仲會懷念呢段日子添。
撰文：魂