好多囡囡結咗婚之後，因為要照顧家庭，性格變得溫柔又親切，繼而散發出一股迷人嘅人妻魅力，而剛剛結婚嘅石橋杏奈，唔單止面上充滿人妻魅力，身材更加充滿熱力！今年26歲嘅石橋杏奈出道拍戲已經逾10年日子，曾經主演過嘅日劇包括《消失的假日》，電影作品亦有《你的朋友》，杏奈更憑呢部電影而獲得第30屆橫濱電影節「最佳新秀」添！
早前杏奈同棒球手松井裕樹結婚，正式成為一位人妻。雖然阿妹已經嫁咗人，但係會繼續拍戲，最近仲推出寫真集《THE scene》，去到沖繩取景拍攝。從中大家可以欣賞到杏奈面上多咗幾分溫柔，但係身材依然纖巧嫩白且凹凸有致，加上又玩水又玩健身，展示攝人嘅健康活力，做佢老公真係幸福喇！
書名：《THE scene》
售價：約HK$228
撰文：賢