天氣凍，個個都鍾意去打邊爐，但係打完邊爐後，身上卻散發出陣陣濃烈嘅邊爐味，就唔係咁得人鍾意囉！有位男網民表示最近經常同女友去打邊爐，之後順便去時鐘酒店爆房，但問題就出現嘞！佢話：「女友好熱情，一入房就即刻剝光豬撲埋嚟，但我聞到佢啲頭髮同身上嗰陣邊爐味，搞到我冇晒性趣。我要求佢去沖涼，點知佢就發脾氣，有乜辦法可以令女友沖完涼先至做呢？」
網友回應：
檸檬GO靈：其實你知唔知坊間有種辟味劑，可以辟咗啲異味o架？買支嚟噴吓你女友全身，咪冇晒味囉！但係會唔會令人有過敏反應，呢樣就擔保唔到喇！
獨家猛男：去得酒店爆房咪一於嚟個鴛鴦浴囉，邊沖涼邊啪啪啪，既可以冇晒陣味又暖笠笠，最重要係呢種玩法夠過癮，玩完一次仲想玩多次。方法有好多嘅，問題你有冇花心思啫！
扮晒Handsome：我反而想知道點解你女友會零舍大陣邊爐味，唔通佢對住個爐嚟食嘢？定係佢本身體味較濃，先至會令你有錯覺，以為嗰陣係邊爐味嚟呢？
醋意專櫃：點解唔去食其他嘢呢？硬係要去打邊爐之後再去爆房？真係唔明你點諗囉！我就唔怕邊爐味，最緊要唔係臭味就得。
撰文：魂