踏入2019年，祝各位新一年精神爽利，日日都充滿朝氣同旺氣！想有朝氣又精神，當然要有靚女相伴啦！今日就為大家帶來3位日本寫真界當紅美人兒嘅月曆，每日起身都可以見到佢哋甜美嘅面孔以及火辣嘅身材，必定精神一振呀！
雖然話一白遮三醜，肌膚白淨嘅女仔係吸引力非凡，之不過好多日本寫真女郎就話畀世人知道，黝黑古銅膚色都一樣可以魅力非凡，好似被稱為「日本一黑寫真妹」及「寫真界黑鑽石」嘅橋本梨菜就係最佳人辦喇！梨菜妹身材豐滿，前凸後趷，但係豐滿得嚟肉地結實又具彈性，加上一身黝黑膚色帶出野性同健美感，更吸引嘅係佢以天真活潑嘅面孔以及無邪氣笑容，將陽光氣息感染大家。
最近橋本梨菜繼續拍攝水着寫真為主，此外亦推出寫真月曆，從中除咗可以欣賞到梨菜嘅黝黑火辣身材，亦可以見到佢以多種顏色鮮艷奪目嘅打扮上陣，有梨菜嘅月曆陪伴，全年都咁精神奕奕啦！
《橋本梨菜 2019年 カレンダー》
售價：￥2,140（約HK$148）
見到靜香呢個名，大家可能會諗起《多啦A夢》中大雄嘅夢中情人靜香。斯斯文文又知書識禮嘅靜香，一向都係好女孩嘅典範，不過好多男士又會諗起一位出道經年，但係多年來依然保持身材火辣誘人嘅中村靜香！
今年30歲嘅中村靜香，出道拍寫真逾10年，但係一副童顏及巨乳依然魅力非凡，更值得欣賞嘅係佢雖然成功踏入電視圈做演員同主持，卻冇忘記繼續拍水着寫真滿足粉絲嘅需要，而今年亦一如以往推出月曆，當中收集咗好多靜香流露健康性感嘅寫真照，當然唔少得阿妹充滿治愈能量嘅甜美笑容啦！
《中村靜香 2019年 カレンダー》
售價：￥2,133（約HK$147）
家財萬貫亦不及身體健康，所以最緊要係每一日都精神奕奕，好似被喻為「日本至寶級胴體」嘅寫真女郎鈴木富美奈咁，每日都精神煥發，散發出醒神嘅陽光氣息。鈴木富美奈雖然已經28歲，而且出道拍寫真8年，但係佢唔單止愈來愈靚女，身材仲健美得來又凹凸有致，最吸引仲係面上成日都掛住天真無邪氣嘅笑顏。
如果大家想好似鈴木富美奈咁精神，不妨支持一下佢嘅月曆喇！今次同過去一樣，搵攝影師木村智哉操刀，將佢嘅青春活力以及胴體之美配合運動主題盡情展露無遺。老實講，一般寫真女郎嘅月曆多數都係將之前拍落嘅寫真「循環再用」，而富美奈則每年都搵專人拍攝，絕對係誠意之作！
《鈴木富美奈 2019年 カレンダー》
售價：￥1,980（約HK$136）
撰文：賢