俗語有話：「男人唔壞女人唔愛。」相反女人夠壞，男人又鍾唔鍾意呢？日本女作家組合堤幸子同上田加代子，以筆名「桐生操」著作嘅《世界惡女大全：淫亂、殘虐又強欲的美人》，便為大家細數一啲歷史上著名極淫同極惡嘅女性，等大家明白點解佢哋會被桐生操冠以「惡女」之名。書中搜羅唔少史上名女人嘅暗黑軼事，例如會趁皇帝老公熟睡後，夜半走去妓院扮妓女拉客嘅梅莎麗娜王后、有唔少身懷神級兵器男寵嘅武則天、搵侍女幫忙測試性技選出情人嘅凱薩琳大帝、將情人嘅人頭製成頸鏈嘅瑪歌王后等。縱然可能讀者未必認為佢哋係極淫或極惡，但作為野史細味一下亦未嘗不可。