天氣咁乾燥，梗係要飲番啲湯水滋潤一下啦，而今日介紹畀大家嘅美人兒，更可以滋潤男人嘅身心，佢就係月城麻由，不但萌味十足，最吸引係擁有一對巨型桃乳，令人冧到暈！
小弟早幾晚喺熟睡期間突然鼻子癢癢，之後忍唔住打咗幾個乞嗤，始發覺空氣忽然變得乾燥非常，係時候要「潤一潤」喇！於是我三更半夜起身開電腦上網睇靚女，結果畀我發現到一位極具潛質嘅甜美佳人，即時身心都滋潤晒，佢就係年方24歲嘅月城麻由喇！
雖然阿妹唔算係天姿國色，但亦可以話如琬似花、秀而不媚，笑起上嚟仲萌氣逼人，相當惹人好感。此外，全身肌膚好似剝殼雞蛋一樣又白又嫩，肌膚質素好到不得了，仲擁有睇頭十足嘅F奶同圓潤美股，被稱為桃乳及桃尻兼備，無論係相頭定身材都令人覺得好滋潤呀！
麻由小時候曾經跟父親去到德國居住，回流日本之後冇心向學，因為佢一心想加入藝能界成為偶像歌手，之後佢喺大阪開始表演生涯，2016年獲得機會去到東京發展，為演藝生涯寫下新一頁。及後參加選美活動「Miss FLASH 2017」，憑個人努力同美色成功奪得后冠，自始人氣急升，更成為寫真女郎組合「G☆Girls」嘅成員。當然作為男人梗係鍾意睇麻由露肉多過唱歌啦！甜美面孔同誘人身段唔單止吸引到大家注意，就連寫真天后今野杏南亦大讚麻由有前途，今年4月杏南仲親自操刀為阿妹拍攝寫真集《一妄打盡》以示支持添，睇嚟麻由真係前途無限！
簡介：月城麻由近期忙於四圍登台演出，所以可以睇到好多佢同組合成員喺後台嘅花絮相片。如果大家想知道麻由平時同「G☆Girls」玩過乜食過乜嘅話，可以Click上去睇睇。
網址：https://twitter.com/mayumelodytkt
年齡：24歲
身高：5呎3吋
三圍：34F-23-35
撰文：賢