愛情令人既開心又痛苦，喺美國情慾小說家莉莎‧克萊佩嘅著作《愛在雨影路》中，就能夠讓人充分體會箇中滋味，同時精彩又纏綿嘅劇情更係睇到人心跳加速。故事講述女主角露絲因為情傷而漫無目的漫步，突然被一位英俊健碩男士山姆撞倒，跌坐地上嘅露絲雖然被對方嘅溫柔所觸動，但係一諗到失戀嘅傷痛，就不願再跌入愛情陷阱中，卻估唔到呢次邂逅竟然係一段感情嘅開始。
之後兩人相遇，露絲得悉山姆原來係雨影路葡萄園嘅主人，並且被女友飛咗，而露絲嘅前男友凱文竟然係山姆嘅朋友，兩人原來都係前來出席凱文同露絲細妹艾莉絲嘅婚禮。呢段緣分嘅開始的確有趣，但係山姆唔願許下承諾，而露絲亦唔再相信愛情，然而兩人喺床上纏綿得難捨難離，究竟點樣解決呢段關係呢？
書名：《愛在雨影路》
售價：約HK$65
撰文：魂