近日希崎謝茜嘉進行一連串慶祝出道10周年嘅活動，更應AV事務所嘅要求進行大挑戰，去到群馬縣利根郡玩笨豬跳！於是謝茜嘉搵嚟好姊妹希志愛奈相伴。到達目的地之後，希志愛奈鬼咁高興，相反謝茜嘉就驚到面都青埋！呢個時候愛奈為咗幫佢壯膽，於是身先士卒先跳一步，令謝茜嘉相當感動，然後自己再跳埋落去！謝茜嘉同愛奈兩人無穿無爛咁完成笨豬跳之後，不禁相視而又喊又笑，場面相當感人！老實講，謝茜嘉真係要好好多謝希志愛奈，因為愛奈引退之後鮮有公開現身，今次唔單止為咗佢出山，仲陪佢玩埋笨豬跳，實在難能可貴呀！
撰文：賢