打工仔遲到嘅話，輕則收警告信，重則扣人工，唔理點計都好閉翳，若然有個鍾意晨操嘅老婆，作為老公嘅又可以點做呢？有位男網民喺網上分享指，由於老婆愛上玩晨操，以致佢返工遲晒大到，感到相當煩惱。佢話：「我係返朝早9點，計埋車程要8點前出門口，否則搭唔到巴士就會遲到。以前我同老婆習慣瞓覺前搞嘢，但近呢一個月，老婆鍾意朝早7點起身做，完事後沖涼換衫，結果趕唔切搭巴士，試過幾次搭的士，條數都好乸脷。我試過同老婆講話夜晚做，佢就話夜晚放工後好攰，做完沖埋涼就會搞到好夜瞓，反正朝早起身都要沖涼，咁樣做就啱啱好，仲話朝早做零舍有Feel。不過我唔想成日遲到囉！已經收咗公司封Warning信，點算好呀？」
DonDon：其實你應該早啲起身，反正都係提前30分鐘左右起床，對睡眠時間嚟講影響唔大。睇你嘅情況應該係習慣夜瞓，夫妻間嘅性生活好講互相協調，你遷就一下有幾難呢？
使不立旅人：你老婆真係唔體貼囉！做乜一定要逼你晨操，夜晚操唔得嘅？呢啲嘢唔可以就晒佢o架嘛，大佬搵食大過天呀，為咗滿足佢搞到畀公司鬧又畀人Warn，咁點搵食呀！
開玩13張：我有橋呀！就係求其交功課！呢招絕呀，拿拿臨發射升空，搞到佢冇晒癮問你點解時，你咪話朝早冇Mood，佢咪乖乖咁喺夜晚做囉。
鍾意典就典：你又真係抵鬧嘅，老婆要你就要畀o架咩，佢想做唔代表你可以做，大個仔喇，要識得拒絕，如果開唔到口嘅話，不如送支假棒畀佢，每次佢想晨操就自己搞掂。
撰文：魂