如果玩厭咗一般嘅戀愛加後宮式成人遊戲，呢隻由日本成人遊戲開發商Cyclet推出嘅《裝甲戰姬Aigis》，相信會帶嚟新鮮感。睇個遊戲名，相信唔少人都估到，賣點就係裝甲、美女加戰鬥，而鹹花場面自然會係被凌辱嘅風格。事實上係，玩家所操控嘅女主角如果敗喺敵人手上嘅話，確實會陷於被凌辱嘅地獄中，當然玩家最想睇到呢個畫面啦！
故事講述表面和平嘅世界，暗地裏其實早已被一種名為「Reaper」嘅寄生生物入侵。「Reaper」會依附喺動物或人類身上，並將對方身體佔據而成為自己嘅身體，然後再引誘新嘅獵物。就喺地球生物處於危機之際，某個晚上發生咗一場跟「Reaper」之間嘅戰鬥，代號「Aigis」嘅名護愛莉同代號「Brionac」嘅乙貫風理，穿着對付「Reaper」嘅裝甲「Sacred Parts」展開生死戰。由於裝甲具有出色戰鬥力，故此戰鬥往往處於一面倒。不過好景不常，隨住「Reaper」不斷湧現，加上神秘嘅衞衣男對「Reaper」進行戰術指導，兩位裝甲姬嘅處境愈嚟愈危險，稍一不慎便陷入被凌辱至高潮嘅情況。
開發商：Cyclet
售價：￥4,000（約HK$280）
撰文：魂