所謂人誰無過，任何人或多或少都會犯下過錯，不過只要肯真心悔改，大家都應該予以機會等佢改過自新，以及將功補過，如果好似日本寫真界新貴井口綾子咁索，相信大家都樂意原諒對方，同時希望綾子可以拍多啲火辣寫真，用美色彌補所犯嘅過錯。
回想小弟過去嘅前半生，做過嘅錯事真係多不勝數，包括忤逆父母、向師長惡意相向等等，之不過唔錯都錯咗，自己好好反省兼且好好補償先係最重要，所以家陣小弟不知幾孝順幾乖仔，對父母同師長都會必恭必敬。我咁衰仔都值得原諒，如果係青春可人兒井口綾子做錯事，係咪更加值得原諒先？
21歲嘅井口綾子生得精靈可愛，散發出一股清新又充滿治愈能量嘅氣息，每個笑容都有一種令人如沐春風、精神一振嘅感覺，實在討人歡喜！綾子嘅身材同樣有提神醒腦嘅作用，胴體鮮嫩雪白，肌膚白得嚟仲極具透明感，最重要係體態婀娜且上圍飽滿堅挺，絕對係一等一靚偈，不過綾子卻因為做錯事，一度令大家對佢心生厭惡。
最近綾子正式脫去密實嘅打扮，換上凸顯性感同青春嘅泳裝施展火辣誘惑，而其泳裝寫真早前成為雜誌封面之後，火速成為話題亦備受注目。喺泳裝演出之前，綾子亦薄有名氣，皆因佢參加被喻為進入藝能界跳板嘅選美活動「Miss青山大學超級美女大獎2017」，同期參賽者包括有今井美櫻。
綾子以青山學院大學校花之名參賽固然惹人注目，而佢為咗吸引更多人留意，於是開設社交網，但係有人就發現社交網剛開設冇幾耐，竟然有成15萬個粉絲支持，因而被人懷疑係用錢買粉絲。最後綾子獲得亞軍，而最大勁敵今井美櫻就奪得冠軍，呢個時候有人喺選美活動官方社交網留言表示大會唔公正，令唔少人懷疑係綾子用假帳戶留言，
不過綾子就話自己係冤枉，同時為呢件事而作出道歉。雖然好多人都指出綾子真係冇咁多粉絲人數，但係經過道歉大家都認為佢知錯能改，所以對綾子表示繼續支持，而大半年之後，綾子就作水着寫真演出，唔知係咪用美色彌補所犯嘅過錯呢？
簡介：井口綾子將好多做模特兒及拍水着寫真時嘅花絮照片上載到Instagram同大家分享，想睇綾子嘅性感靚相就唔好錯過喇！
網址：https://www.instagram.com/lespros_ayako/?hl=ja
年齡：21歲
身高：5呎3吋
三圍：34-23-34
撰文：賢