名廠之所以係名廠，並唔係因為佢宣傳做得好，最重要係有一定嘅質量保證，客人先至會甘願畀錢。好似日本成人遊戲開發商Favorite嘅出品，喺劇情、畫面同音樂都係一流水準製作，因此新作《櫻花盛放 - as the Night's, Reincarnation - 》令遊戲迷十分期待。
故事講述10年前一班魔法少女為保衞人類而同敵人激戰，戰勝之後，呢場戰事並未被世人所知，而一眾魔法少女亦隱姓埋名，回歸正常又平淡嘅生活。不過平凡嘅生活對魔法少女嚟講，反而比戰爭嚟得煩惱，尤其係生活上嘅困難，更係令佢哋感到迷惘。喺櫻花飄舞嘅春日，男主角奏大雅聽到魔法少女傳嚟嘅聲音，希望佢能夠幫忙，令一眾過着平凡生活嘅少女，再次化身成魔法少女，不過佢哋並非希望再次踏上戰場，而係希望能夠度過精彩又燦爛嘅人生。話說回來，點解呢班魔法少女會搵奏大雅幫忙呢？遊戲名叫「Reincarnation」，解做轉生，相信大家從中可以猜估到一二。問題係，究竟奏大雅應該點樣做，先至可以令一眾美少女獲得幸福呢？
開發商：FAVORITE
售價：￥9,800（約HK$686）
撰文：魂