日本風俗店出名服務夠體貼，為咗提醒外國人光顧要注意一啲事項，最近特別用動畫嚟製作宣傳短片，畫風更係充滿東洋味嘅浮世繪風格，相當吸引。如果唔想睇動畫，不妨睇吓一對偽孖生AV女優姊妹花，必定令你開心又愉快，咩煩惱都冇晒！
「孖生AV女優」對AV迷嚟講有相當嘅吸引力，而為咗滿足AV迷對孖生姊妹嘅好奇心，有AV廠將兩位冇血緣嘅女優夾硬組成姊妹花推出作品，但係佢哋個樣一啲都唔似，一睇就知唔係孖生姊妹，試問AV迷又點會收貨呢？不過，另外呢對「姊妹花」大家一定Like！
話說早前有兩位AV女優喺網上上載咗一輯合照，令唔少網民誤以為佢哋係孖生姊妹，事緣喺今個月初，三上悠亞同明日花綺羅到關島拍攝寫真兼度假，期間適逢三上悠亞25歲生日，素來相當老友嘅兩人約會慶祝，並且換上同款嘅花點連身短裙，仲整埋相同嘅雙髻髮型，之後三上悠亞將二人合照放上Twitter分享，仲加上留言稱兩人好似進行新婚旅行，結果即時引嚟網民熱議，事關佢哋兩個樣實在太似，似得嚟兩個都係咁索，亦有網民稱雖然外形極似孖生姊妹，但氣質上有啲唔同，三上悠亞睇起嚟可愛啲，而明日花綺羅則成熟啲。明日花綺羅見網民反應咁大，便回應指兩人唔似姊妹，反而似男女朋友多啲，而佢就係三上悠亞嘅男友喎。話說回來，兩人唔知會唔會合拍一套AV作品嚟滿足AV迷呢？
經常有新聞講話外國人喺日本體驗風俗服務時，因為唔識當地嘅風俗業界規矩，而出現各種爭拗，導致不歡而散。本想好好尋歡一番，搞成咁你話幾咁無癮呢？於是日本風俗資訊網站就以充滿日本傳統文化嘅動畫短片，向外國人講解幫襯風俗店時應該注意嘅要點。呢條短片名為「讓人更心情舒暢的風俗講座」，由風俗網站「Pure Lovers」（ぴゅあらば）製作，目的固然係希望能夠讓外國客人明白風俗店嘅規矩，同時顯出日本風俗業對外國客人嘅重視。
片長1分鐘嘅短片最特別之處，在於以浮世繪風格嘅動畫製作而成，除咗動畫中嘅角色勁有東洋味，有趣嘅表情更係令人會心微笑，短片更附上英文字幕讓外國人更加容易理解。短片嘅內容講述4項喺日本體驗風俗服務時嘅要點，分別係叫客人千祈唔好盲目跟從街上嘅中介光顧風俗店、到風俗店體驗前要注意自己係咪有乾淨嘅儀容、體驗服務嘅過程中唔可以拍攝及錄音，以及風俗店係禁止客人將風俗孃帶離風俗店。
坊間流傳男人嘅狐臭味，具有吸引異性嘅作用，之但係呢種「臭味相投」嘅講法卻唔係咁合理，若然女士有狐臭味嘅話，又會唔會吸引到「逐臭之夫」嘅追求呢？早前瑞士伯恩大學（University of Bern）便進行關於女性體味對於吸引異性作用嘅研究，先從28位女士身上採集體味，同時搜集佢哋雌二醇、黃體素、睾酮及皮質醇嘅數據，另外再喺佢哋排卵受孕期間重複一次上述動作，期間呢班女士唔可以服避孕藥及跟異性同床，並且使用冇香味嘅皂液沖涼。跟住佢哋搵嚟57名健康男士，分別聞吓呢班女士嘅體味，雖然呢班男士對鍾情嘅體味有所分別，但整體嚟講體味愈濃烈愈有吸引力。
研究團隊分析最受男士歡迎嘅體味中，發現佢哋都係屬於雌激素濃度較高、黃體素則較低嘅女士，而呢兩種激素正係反映女性繁殖能力較強。研究主管之一嘅Janek S. Lobmaier表示研究證明咗女性體味對男士吸引力嘅作用。雖然係咁，但現實中卻係有唔少女士日常會使用香水或止汗劑，或者對男士嚟講，呢啲香味比體味更加吸引。
撰文：魂