如果你只係想欣賞大量色情內容刺激眼球嘅話，今次介紹呢本寫真集絕對唔適合你，因為睇完你會好嬲，甚至好驚添！《Dark & Fetish Art》稱係一本描寫暗黑情色嘅寫真集，同好稱為「奇幻藝術」。究竟有幾多人鍾意呢種藝術真係唔知，只知道由2014年首次發行後，至今寫真集已經推出到第三版，收集來自世界各地多達40位當代藝術家對暗黑和戀物藝術嘅作品，包括Zdzislaw Beksinski、Nicoletta Ceccoli、Ray Caesar、James Jean、John Santerineross、Popovy Sisters及Elizabeth Mcgrath等，你可能唔識佢哋，其實連細佬都唔識，但係當作一本了解不同戀物癖嘅入門書，呢本寫真集絕對值得一睇，全書有352頁，每張精美圖畫旁邊都附有日語及英語解釋出處，讀者可以感受到暗黑情色帶出的頹廢及墮落風格。