唔知巴絲打啪啪啪完後，有冇記錄低性愛過程同感受嘅習慣呢？可能有人話：「次次都差唔多，有乜好記錄啫！」亦有人會話：「記低嚟做乜？唔通要做賽後檢討咩！」事實上，有位男網民表示佢女友有咁嘅習慣，每次啪啪啪完後，女友都會好似寫日記咁寫低佢哋喺邊年邊月邊日幾點同喺邊度搞嘢，而床上過程亦會巨細無遺咁記錄落嚟。男網民話：「其實喺第一次完事之後，就已經知道佢有呢個習慣，因為佢每次寫完後，都會要我簽名作證。唔好問我點解要簽，因為唔簽嘅話會好麻煩，因為我試過。本來睇番自己嘅床上記錄都係一種情趣，但係我最最最唔明係佢點解要評分囉，由0至100分不等。老實講，佢憑乜嘢評我分先？佢經驗好多呀？佢話呢啲係佢嘅主觀感覺，希望我以後會表現得好啲。大佬呀，求學不是求分數，做愛不是求進步呀！我真係好有壓力囉！」原來呢個世界有樣嘢叫性愛評審員，失覺晒！
實幹派會員：「求學不是求分數，做愛不是求進步。」好精警呀！不過你有冇問過你女友，點解會有咁嘅習慣呢？尤其係簽名作證，感覺好似落口供咁，真係好古怪。
長征童子：呢個世界真係咩人都有，你女友絕對係一個好例子。其實你唔應該有壓力，因為佢冇因你表現差而投訴。如果佢畀唔合格分數嘅話，唔知道你會唔會受懲罰呢？
小女子無禮：嘩！搞到上床好似考試咁，派成績表時使唔使畀家長簽名呀？寫記錄呢種做法雖然幾有情趣，但搞到要簽名同評分，我就覺得好過分囉。
下等根民：你有冇將你嘅感受講畀女友聽呢？其實作為情趣嘅嘢，大家互相遷就一下就得，最驚係佢唔知有乜情意結而迫使自己咁做，呢層你真係要同佢深究一下。
撰文：魂