日本AV女優當中有唔少混血尤物，經典女優包括小澤瑪莉亞、Rio以及瀧澤蘿拉，佢哋相繼引退之後，混血兒女優就買少見少，近期較為活躍嘅就只得擁有日本同西班牙血統嘅橘瑪麗，幸好最近多咗一位，佢就係羅伯特美浦安娜喇！據悉安娜擁有巴西同日本血統，除咗氣質獨特嘅面孔以及妖艷狂野風韻之外，賣點仲有39吋圓潤巨躉，佢將會夥拍辣妹系AV廠kira☆kira推出處女作。有消息指安娜會作雙線出擊，拍三仔同時亦會以亞美呢個藝名拍四仔，覺得近期四仔界冇乜新刺激嘅朋友又可以搵到目標欣賞喇！不過，挑通眼眉嘅AV迷發現安娜其實唔係新人，並確認佢就係喺兩年前出道成為AV廠kawaii新人嘅高城亞美菜。偽新人呢家嘢相信AV迷都司空見慣，但係阿妹初出道嘅時候話自己係西班牙同日本混血兒，點解家陣改名之後又變咗做巴西同日本混血兒呢？阿妹唔會連祖宗籍貫都記錯啩？