所謂一鼓作氣，再而衰，三而竭，一位AV女優就算下海嘅時候幾咁能夠造成話題，處女AV作品賣得幾好，一路發展落嚟，色情演出愈來愈多，新鮮感同震撼性就會愈來愈低，就算係萬人迷三上悠亞同高橋聖子兩位頂級女優出道已有一段日子，新作銷量一樣難再同以前相比。之不過，佢哋洗濕咗個頭，同AV廠簽咗專屬合約又好難拒絕為東家每個月拍一部作品，而被稱為「女鬼富江」嘅前知名女藝人仲村美羽就例外。
仲村美羽上年6月下海，處女作品《Fade In》銷量成績理想，除咗成為2017年網站DMM嘅AV銷量榜冠軍，仲喺今年嘅DMM成人大獎奪得最優秀作品獎添！不過美羽打響頭炮之後冇急住狂拍AV，反而係相隔半年至簽約為AV廠Moodyz專屬女優，並推出第二部作品《中出し4本番 藝能人MOODYZデビュー解禁SP！！》，作品同樣銷量驚人。之不過，呢部作品推出後美羽又再冇晒消息，好多人都以為佢已經搵夠錢上岸唔再拍AV，最近美羽終於更新社交網，仲上載咗一張為AV新作拍攝硬照嘅花絮相片，好多AV迷都相信仲村美羽睇通世情，了解到下海後不斷拍片只會令大家關注度愈來愈低，所以決定大約半年至拍一部，以保持大家對自己嘅期待度。
撰文：賢