去旅行前要去格價網，記得睇埋Pornhub，鹹片固然要睇，數據都咪忽視，因為Pornhub嘅數據間接幫你到達當地食好東西。過往Pornhub得閒無事都會公開世界各地「淫民」嘅瀏覽口味，對於巴打嚟講幫助係零，但諗遠啲，當你了解到一個國家最鍾意睇偷情系列，咁你有理由相信佢哋好想出軌，咁作為「食家」，下次去旅行嘅目的地仲唔係首選？好似近日Pornhub公布斯洛文尼亞網民嘅瀏覽習慣，結果發現呢個全球人口排名第148位嘅地方，喺成人網站瀏覽量排名竟然係第73位，平均喺Pornhub花時間10分42秒。鹹濕唔到你唔認呀！而鹹濕唔一定係男士嘅專利，據研究人員表示，斯洛文尼亞女性瀏覽鹹網比例高達37％，平均年齡約35歲，相反18至24歲嘅妙齡少女比例遠比其他國家低，但經已清晰畀到各位準旅客貼士，去到當地打開交友App識新朋友，梗係識中女啦！講多個貼士你知，若然你係叔父級或可愛暖男仲大優勢，事關呢類型男士係當地搜尋榜頭5位之列。至於女人想去發展異地情緣就難啲喇，因為當地男士最Like係脫星Lana Rhoades，其次係Mia Khalifa、Lisa Ann及Nicole Aniston，件件都係一線脫星，有樣有偈，好難睇得上你囉！