唔想再畀人話土豪，要人當你男神咁拜，你獨欠嘅係「Lansky Rule」！正所謂土豪乜都有，樓車錢飛機遊艇女人多到自己都記唔晒，好似美國四仔廠老闆Greg Lansky係超級土豪，但係佢每次出場都被人稱讚，據Greg Lansky接受AVN網站深情專訪表示，原來方法非常簡單，四個字：「不要無聊！」唔係講笑，Greg Lansky坐擁幾十億身家，要乜有乜，呼風喚雨，塵世間有乜嘢玩唔到或未體驗過？所以佢嘅生活真正好無聊，Greg Lansky以過來人身份同大家講，想被定性為真男神，當然你首先要有錢啦，但有錢之後就要使得型，而講到型就不妨參考Greg Lansky嘅四仔作品喇！佢有三間色情製作公司，分別係Vixen、 Tushy及Blacked.com，集團旗下超過100位員工，將窮奢極侈、酒池肉林嘅生活搬上銀幕，出動私伙直升機、遊艇出海拍攝，仲有豪宅、超跑、電單車、香檳、靚衫不計其數，一句講晒：生活就是色情，正係Greg Lansky嘅生活哲學。